Scano di Montiferro - Iscanu - su situ de Iscanu
Avviso sui Cookie - Questo sito non svolge alcuna attività di profilazione. Tuttavia, per rendere disponibili alcune funzionalità ed assicurare ai visitatori una esperienza di navigazione ottimale, questo sito fa uso di cookie. Leggi la nostra informativa sui Cookie prima di proseguire la navigazione. Proseguendo la navigazione su questo sito gli utenti acconsentono al ricorso di cookie e tecnologie simili online da parte nostra.
MENU
Home News Articulos Download Links Contattami

Su tusorzu

Su tusorzu

áS'economia iscanesa, in larga parte, est ancora fundada subra sa pastorizia: sas arbeghes

iscanesas grazie a sos recattos de alta calidade de sos montes suos, produint unu latte de altu livellu chi, poscas, benit tribbagliadu e dae sos pastores matessis e, in maggiore parte da sas industrias casearias. Tottu su chi rodat in giru de sas arbeghes est riccu de valores e significados culturales, tipicos de sa tradizione pastorale sarda.

In beranu, cando su primmu caldu cominzat a accovare sas arbeghes, est tempus de las illebiare de su gobbanu lanosu: est su momentu de su tusorzu.

Est una beru e propiu ritu chi tenet sos sos propios logos (sos tundidorzos) e sos suos cerimoniales.


á Sos preparativos

Sa famiglia de su pastore si preparat a s’eventu: sos omines preparant sos saccos de rusca (oe si portant cussos de prastica) pro bi arregoller sa lana, unghent sos ferros de tundere (oe sostituidos da sas macchinettas eletticas) e preparant su ‘inu mentres chi sas feminas cominzant a preparare sos mandigos pro sa rebotta (arrustos, petta a buddu,verduras panadas, e sos malloreddos de coghinare in su brou de arbeghe)



Cominzat su tusorzu

Si cominzat cun ‘saccorrare sas arbeghes in una mandra de pedra o faschias de linna. A unas a unas sas arbeghes benino acciappadas e trobidas cun unu cordiolu o una corria, una orta immobilizzada s’arbeghe st pronta a esser tusa.



Sos ferros de tundere

Sunt froffighes de ferru brunidu, acuttas, mannas, longas unos 35 centimetros, cun lamas triangolares acuttas che lamettas, fromadas in unu pezzu unicu. Tenent un’aspettu arcaicu, ammentant sas armas nuragicas e miceneas, armasde sas millenarias culturas pastorales de su Mediterraneu. Durante su tusorzu sos ferros benino infustos e acuttados de continuu: diventant comente lamettas de arba chi paris a s’abilidade de su pastore, permittint unu tagliu perfettu.

Cun s’avventu de sa tecnologia, oe si portant pro tundere sas macchinettas, ossiat tundidores elettricos similes a sos de sos arberýs ma prus mannos e cun dentes de dimensiones majores

Su tagliu

Durante sas operaziones de tundidura sos ferros o sas macchinettas benino manizzadas cun pratiga e cuidadu pro no istropeare s’animale. Su pastore istat incurbadu subra s’arbeghe chi a bortas chircat de ischertiare pro s’iscappare

S’arbeghe cheret tusa in donzi parte dae conca fintzas a pes e cheret tusa a manera chi sa lana nde ‘essat tottu a unu pezzu cumpostu e uniforme.

Finidas sas operatziones de tundimenta s’animale benit iscappadu e che torrat a sa mandra.

S’arbeghe benit tusa no solu ca sa lana bisonzat ma fintzas ca su pilu longu in prus de ‘ettare caldu podet esser un’impedimentu pro s’animale ispetzie in sa temporada de istýu ca resurtat chi faghet ingannare s’animale in su r¨ e in sas ispinas de donzi razza.

Sa rebotta

Sa rebotta, immancabile, rappresentat una consumazione cerimoniale.

á

Si comintzat a tundere a mesu manzanu cando sos pastores chi azzunat rientrant disbrigare sas faziendas insoro in campagna. A ora de sas 10 si faghet s’ismuzu a base de sardizza, lardu, casu frissuras e binu.

Sa base de su mandigu est s’arbeghe e su casu.

Sos mandigos tradizionales de su tusorzu sunt: su brou de arbeghe, sa petta a buddu, su sambene, su tratalýu o corda, su casu giampagadu, druches de donzi razza e calidade binu biancu e nieddu, mirto de abbardente



TUNDINDE A S'ANTIGA CUN SOS FERROS DE TUNDERE

á



TUNDINDE A MACCHINETTA

á


SA TROBIDURA

á

á

á

á

á


Imprenta
Share
 Autore : MicroPiras
 Publicadu : ChenÓbura;, 18 Martzu 2011 - 11:23
 Urtima modýfica : MŔrcuris;, 4 FreÓrgiu 2015 - 18:10
 PÓgina lŔghida 8241 bortas

New-CMS 2.9.7 Valid CSS Valid html 5 GNU General Public License Admin
This page was created in 0.3494 seconds
Contenuto del div.