Scano di Montiferro - Iscanu - su situ de Iscanu
Avviso sui Cookie - Questo sito non svolge alcuna attività di profilazione. Tuttavia, per rendere disponibili alcune funzionalità ed assicurare ai visitatori una esperienza di navigazione ottimale, questo sito fa uso di cookie. Leggi la nostra informativa sui Cookie prima di proseguire la navigazione. Proseguendo la navigazione su questo sito gli utenti acconsentono al ricorso di cookie e tecnologie simili online da parte nostra.
MENU
Home News Articulos Download Links Contattami

09 Relazion de F. Dettori

Su Nuraghe 'e Nuracale: un esempiu de controllo de su territoriu in su Montiferru

De Federica 'Ettori (tradutziones de Micropiras Co.)

Galleria fotografica

01 - Sintesi

Su nuraghe 'e Nuracale si elevat imponente in s’omonima localidade, in territoriu de Iscanu, biddighedda in provintzia de Aristanis, situadu in su versante occidentale de su massizzu de su Montiferru e cunfinante cun Marghine e Planarza.

 

Si levat subra unu promontoriu roccosu altu circa 400 m slm dominande s’adde in ue curret su Riu Mannu. Sa trema chi si creat dat vida a unu paesaggiu imperviu, chi alternat aspras roccas a vegetazione frorente, cun quotas chi partint da 200 a 500m slm. (fig. 1, 1) (Usai, Cossu, Dettori 2004, p. 2).

 

Sa posizione sua permittiat de controllare su villaggiu, su riu in sutta, bona parte de sos nuraghes presentes in su territoriu de Iscanu e in sos territorios affacca, e sa costa chi dae ‘Osa si estendet finzas a Cornus. Pro custu, costituiat un importante puntu de riferimentu pro sas tribù chi abitaint sa zona, da s’edade nuragica finzas a s’Altu Medioevu, fase in ue est forte sa frequentazione umana. Sa vida de su monumentu cominzat tra su 1500 e su 1350 a. C., pro durare finzas a dies de oe. Custu grazias a sa fertilidade de su territoriu, alimentadu da su riu Mannu. Su nuraghe si presentat particolarmente insolitu pro sa tecnica costruttiva attrivida e isperimentale.



02 – Sa presenzia

Su nuraghe in chistione est unu quadrilobadu realizzadu cun tecnica poligonale, cun

crastos mannos de basaltu, rocca chi est particolarmente presente in su territoriu chi cominzat sa vida probabilmente in su Brunzu Mediu. Presentat un insolitu e vasta cortiglia a L (90 mq), denominadu B, subra in ue si affacciant sas bintradas de tres de sas battor turres laterales (C, D, E) e cussu de sa turre centrale (A). In prus si bi affacciat un’iscala (H) chi, formande una semicurva, ponet in comunicazione sa cortiglia cun sos ispaltos de sa cortina ovest. De fronte a tale iscala, realizzadu a s’internu de s’ispessore murariu cumpresu tra sa turre nord-ovest (F) e sa turre centrale, est situadu unu silo, chi deviat tennere una intrada da in altu, in cantu sos iscavos no hant postu in lughe nessuna intrada a sa base (Usai, Cossu, Dettori, Manca 2006). De sa turre F, bundantemente crollada, no est bistada ancora agattada sa intrada. Est probabile chi s’iscala agattada in custu settore, serviat pro ‘intrare da in altu siat a sa turre in chstione siat a su silo.

 

De interesse meda est sa manera comente s’isviluppat s’iscala de sa turre centrale: difattis naschet comente iscala de apposentu, balziada, in su pianu inferiore (A1) e culminat comente iscala de passadissu in su primmu pianu (A2), rea meda da su cominzu a sa fine. Ch’essit subra unu ripianu da in ue partine finzas sos iscalinos pro un’eventuale segundu pianu de su mastiu, oramai cumpretamente dirruttu, o pro unu passizzeri (terrazzu). No si tenet duncas una costanzia in s’isviluppu de s’iscala ma pru a prestu su chi paret una isperimentazione (Usai, Cossu, Dettori 2004).

No est ancora craru si su nuraghe comente quadrilobadu siat fruttu de unu progettu unitariu o si sas aggiuntas siant naschidas successivamente a su mastiu.

Da su settore ovest de sa cortiglia, benit una cantidade manna de repertos de arenaria bianca chi deviant costituire parte de una istruttura nuragica ancora no identificada. Repertos meda si distinghent pro sa froma insolita: caligunos parent essere sezzidorzos, ateros perrinos de sezione circolare, ateros ancora cornizes; sa maggiore parte presentat finzas su craru passaggiu de s’iscrappeddu e quindi un’attenta rifinidura de sos pezzos, chi deviant essere ligados dae grappas de fissaggiu in prumu, caliguna de custas agattada in custa zona (Usai, Cossu, Dettori, Manca 2006). Caligunos pezzos presentant signales de una continua e ripetitiva azione de su fogu ma no ischimos si si trattat de un’azione de volontaria de s’omine o si sunt de attribuire a a sos numerosos fogos chi hant investidu su monumentu finzas in tempos recentes. S’istruttura in chistione, oramai cumpretamente perdida, podiat esser costruida subra sos ispartos e esser poi collassata a intro de sa cortiglia. S’istruttura nd’est rutta subra repertos de arenaria e basaltu verosimilmente appartenentes a su coronamentu de su mastiu e de sa cortina ovest, ruttos, pro custa resone, tempus innanti.


03 – Utilizzu recente

Finzas a su 2002 su situ fuit occupadu e utilizzadu comente fienile (D) (Usai, Cossu, Dettori, Manca 2006) e loza pro animales (E) da su mere de su terrinu, chi hat fattu modificas de s’istruttura e acconzos a sas turres D e E: hat difattis creadu un’aidu, probabilmente isfruttande una fogada de muru, e in sa turre D hat ricostruidu cun pedras de dimensiones medianas sa parte de in altu. In sa matessi turre, est bistadu bogadu a campu, ed est ai como visibile, unu pamentu risalente a sa fine de su 1800 realizzadu cun pedras de mediana dimensione (Usai, Cossu, Dettori, Manca 2006). Sa turre D bisonzait quindi, ancora primmu chi de fienile, da pinzetta pro su pastore e fuit probabilmente abitada in igerru, comente ancora suzedit in sas campagnas iscanesas.



04 – Su controllo de su territoriu

Su territoriu de Iscanu si distinghet pro sa cantidade de monumentos archeologicos presentes, appartenentes a epocas divressas: su nuraghe Nuracale est difattis antezipadu da ateros nuraghes prus arcaicos a corridoiu o a camera embrionale, chi però a contrariu no hant mantennidu tempus meda un’importanzia de dominiu de su territoriu. Sa presenzia issoro, paris a cussa de ateros nuraghes semplices o cumplessos, de sas tumbas megaliticas, de sos insediamentos nuragicos, punicos, romanos e medievales attestados da fontes o repertos agattados casualmente, testimoniant sa capillare occupazione de su territoriu in chistione (Usai, Cossu, Dettori 2004; Usai 2004,). A un’attenta analisi de sa distribuzione de sos nuraghes, mos rendimos immediatamente contu chi naschent maggiormente sighinde su cursu de su riu Mannu, in ambas ispondas, diventande semper prus diffusos a cara a s’internu prus chi a cara a sa foghe. Privilegiaint duncas su territoriu in giru a cussu frumen chi fuit pro issos benale de risorsas mannas ma finzas veiculu de comunicazione cun su mare, pro cussu de controllare meda attentamente.

 

Da su nuraghe si resurtait a controllare parizzos de custos monumentos e probabilmente a comunicare con issos. Nuracale podiat essere unu centru de coordinamentu no solu de attividades de controllo ma finzas de cussas economicas de su territoriu, e a issu podiant fager capu finzas sos nuraghes bighinos, e prus a traddu sos villaggios de epoca istorica. Ancora oe sunt visibiles in craru sos nuraghes: Giannas a nord, Mesu ‘e Rios, Santa Arbara e Salaggioro a est, Salamatile, Bolaola e Ennare a sud, caliguna tumba de zigante e divressos villaggios. Doviat esser unu puntu de riferimentu importante pro sas tribù chi abitaint sos territorios a giru a giru e siguramente doviat essere notadu dae a tesu grazias a sa mole e a sa posizione in su montrigu.

 

Da sa punta de su monumentu si osservait finzas su mare: si osservat, finzas in dies de oe, sa costa chi si estendet da su montrigu de Cornus finzas a su ‘e Bosa, bidinde craramente totta sa Pranarza. Su controllo de su mare fuit siguramente importantissimu giai in edade nuragica e su nuraghe Nuracale podet essere unu distimonzu de comente si faghiat in manera precisa e sigura.

Sa posizione e s’istoria, chi a pianu a pianu cun sos iscavos s’est recostruinde, cunfermant chi da su Brunzu Finale, ma forzis giai da su Brunzu Recente, su Nuraghe ‘e Nuracale cun sa sua imponente istruttura, ricopriat un importante puntu de controllo de su territoriu, circustante e no. Controllait su cursu de su Riu Mannu, riu chi curret in s’adde prus in bassu su cale cumprinde unu trettu longu meda isboccat in localidade Foghe, in su territoriu cumpresu tra Cuglieri e Tresnuraghes. Custu isboccu a mare fuit finzas s’unicu approdu siguru pro sas imbarcaziones chi arrivaint in custa parte de costa. Difattis sa conformazione geografica de s’insenadura la riparat da sos bentos, ispecialmente da su ‘entu de maestrale chi a ispissu iscudet forte subratottu s’isula ‘e Sardigna. Un’ulteriore distimonzu de s’usu ‘e Foghe comente puntu de isbarcu, ispetzialmente in edade romana, est un’ancora appartenente a tale epoca agattada in mare e attualmente arregorta in su museo “G. Sanna” de Sassari (Mastino A., Tav. LXXXIII,).

Su seberu de su territoriu de Nuracale pro s’insediamentu, cun donzi probabilidade, fuit duncas condizionadu da s’abbundante e vicina presenzia de abba potabile, chi doviat essere arregorta in puttos e barzas, e chi doviat fatzilmente affiorare in su terrinu comente ancora oe suzzedit in custa zona; da sa ricchesa e fertilidade de sos terrinos, causada da su Riu Mannu e da sa presentzia de bancos basalticos chi ancora oe affiorant in superfitzie, chi resultaint de fatzile estrazione finzas cun s’usu de solas levas (Pes 1954, p. 61). Ma no solu: sas piattaformas basalticas beniant isfruttadas fintzas comente basamentos pro sa costruzione de sas istrutturas, rispramiande gasisu tribbagli de s’estrazione. In particulare si notat in sa costruzione de muraglias megaliticas chi s’interrumpent pro sfruttare sa rocca naturale e in sa costruzione de sas pinnettas N e O, in ue sa pedra beniat solu appena piccada e usada a favore.



05 – Sos iscavos

A s’internu su monumentu presentat divressa fases de vida. Difattis est bistadu oggettu de interesse e de occupazione no solu in edade nuragica ma fintzas in epocas successivas, permettinde de attestare in custa zona fases de vida punica, romana e una intensa de edade Altu Medioevale, importante e bene documentabile. De cust’ultimu periodu sunt fintzas sas risistematziones istrutturales de sa cortiglia. Si individuat in particolare un murigheddu a s’internu de sa cortiglia risalente a tale epoca, chi tenet una sola cara a vista ed est fattu da bloccos de riutilizzu de su nuraghe, subra ‘e tottus repertos de arenaria in sa parte de in artu. Custu muru deviat cuntènner sos crollos giai presentes in sa cortiglia a manera de rendere accessibile sos ingressos de su mastiu e de sa turre sud-est. A su momentu de sa costruzione de custu muru, s’istruttura in arenariadoviat esser giai rutta e pro cussu de meda anteriore a issu. A s’internu de sa cortiglia B solu parzialmente indagadu si podent adattare in prevalenza frammentos de ceramica ruzza e de istampigliada, chi agattant riscontru in cussas agattadas in su Nuraghe Losa de Abbasanta (Bacco 1997, pp. 9-21, tav. IV-XXVIII, XLII, XLIV-XLV, LIV), puntales e paretes deanforas de trasportu (tipu Keay LXII), frammentos de broccas a costas, sigillada crara D decorada, dolos decorados cun tacchettas impressas, tottu riferibile a unu periodo cumpresu tra V-VI sec. d. C. Da sa cortiglia provenit fintzas unu fraschigheddu punicu e carchi atteru raru picculeddu de su matessi periodo (Usai, Cossu, Dettori 2004, p. 11; Usai, Cossu, Dettori, Manca 2006, pp. 12, figg. 17-18).

 

Da sa turre A2, totalmente indagada, provenint invece ceramicas riferibiles siat a su tempus tardu romanu (ceramica ruzza modellada, unu’ fraschigheddu turnidu decoradu, ecc.) chi a su tempus de su Brunzu Finale (ciotolas carenadas, unu zirettu cun ansas a X, lamparas a cugliera ecc.) (Usai, Cossu, Dettori, Manca 2006). Da su matessi vanu provenint divressos vagos de collana in pasta de idru blu, ‘irde, azzurru, in ambra e unu azzurru decoradu cun zerchios cunzentricos blu e biancos. Su motivu ammenta cussos punicos ma su cuntestu e sa precisione de su tribbagliu escludit una datazione gasi antiga. Si pensat prus a prestu a unu perpetuare de su motivu e de sos colores de edade tardu romana.

 

Su nuraghe fuit frequentadu fintzas ind un’epoca prus recente, tra su XV e su XVI sec d. C., comente distimonzat su piattellu in maiolica decorada cun sovradipintura policroma rinvènnidu pro sa maggiore parte in sa turre A2 e in parte in su crollu de sa cortiglia. Est unu produttu importadu da sa zona toscana o fortzis da s’altu Lazio. Recat motivos chi rimandant a sa simbologia cristologica di S. Bernardinu de Siena (Corsini 1995, p. 74-75) e b’est pintadu su monogramma IHS (Iesus Hominum Salvator), de su cale si cunservant sas primmas duas litteras (Subbruzio 2002, pp.154-155, figg. 26-28, 30-31; Usai, Cossu, Dettori 2004; Usai, Cossu, Dettori, Manca 2006).

 

In su situ de Nuracale si riscontrat la presentzia no solu d ceramicas de importazione, comente distimonzat pro esempiu su pè decoradu de una coppa in vernice niedda de su tipu Campanu A (180-100 a. C.) (Tronchetti 1995, p. 167, fig. 16; Tronchetti 1996, pp. 27-29, pp. 36-37, fig. 7) (fig. 2, 1 ), ma si tenet fintzas una produzione locale de vernice niedda a pasta grigia, chi imitat a esempiu sa coppa de sa chi hamos nadu in subra, ed est decorata cun motivos similees a s’originale (segunda metade de II sec. a. C.) (Fig. 2, 2) (Tronchetti 1996, pp. 32-33, pp. 40-41, fig. 3). Sunt presentes in s’area fintzas ateros frammentos appartenentes a pateras de sa matessi produzione in pasta grigia. Custu collocat sa popolatzione de sa zona in una isfera cumplessa, no isolada, chi connoschet sas realtades bighinas, comente cussa de Cornus, da in ue verosimilmente provenint a esempiu caligunas tazzittas de ‘idru (IV-V sec. d. C.) (Stiaffini, pp. 118-123, tav. XVII, 7; Usai, Cossu, Dettori 2004, p. 13) ma in ue arrivat fintzas una produzione bene a tesu comente cussa de sas anforas e de sos piattellos in sigillada de produzione africana (Usai, Cossu, Dettori, Manca 2006, p. 12, fig. 17).

 

In su silo (G), cumpletamente indagadu, sa rutta de sa parte de in altu de sa Cortina nord e de su silo matessi, haiat sigilladu un’istratu nuragicu chi conservait repertos de su Brunzo Rezente comente a esempiu una brocchetta de ceramica grigia. S’istratu devet esser abbarradu espostu pro tempus meda pro ca no s’est potidu recostruire sa ceramica intrea.

 

Siat a s’internu chi a s’esternu de su monumentu sunt bistadas agattadas partes de su coronamentu de su nuraghe: sos mensolones. Si sunt agattados insolitamente giai in sos primos istratos, riferibiles a unu tempus cumpresu tra V e VII sec. d. C.. Caligunos de custos sunt bistados reutilizzados in istrutturas de tale tempus, ateros sunt in posizione de rutta. Sa presentzia de un’istratu tardu de unu numeru altu de mensolones, prus de deghe fintzas a como, diat dever significare chi su monumentu est bistadu reu pro tempus meda, godinde pro custu de una costante manutentzione.



06 – Sa idda nuragica

Su nuraghe est zircundadu da unu villaggiu nuragicu de estensione notevole chi distimonzat sas divressas fases de vida.

 

Si estendet in giru a su monumentu printzipale, subra superficie basaltica chi si estendet a cara a ovest rispettu a su nuraghe e in parte subra s’adde de Riu Mannu (Fig. 1) (Usai, Cossu, Dettori 2004, p. 3).

 

De fronte a sa intrada de su quadrilobadu bessint duas enormes capannas rotundas (N, O) e unu trattu de antemurale de edade nuragica, ma fintzas carchi istruttura de edade prus tarda (fig. 3, 1). In custa zona s’est individuadu unu pianu de vida Altu Medioevale e da issu provenint repertos de tale epoca interessantes meda comente a esempiu un’anforedda de mesa in terra crara, pintatda cun bandas verticales e orizzontales de colore brunu, e tres ziros: unu est bistadu agattadu intreu cun su cobertore de pedra ancora a postu (fig.3, 2), mentres duos in picculos, ischizzados is su zassu, cun uguale direzione de rutta (bucca rivolta a SSW e fundo a NNE) (fig. 3). Unu est cumpletamente ricostruibile (fig. 3, 3), mentres chi s’ateru est privu de trugu e oru (fig. 3, 4). Provenint da sa matessi zona fintzas distimonzos de epoca precedente comente a esempiu unu sestertziu romanu de Severo Alessandro (222-235 d. C.) databile a su 231 d. C. (RIC 1962, p. 111, n. 517).



07 - Alimentazione

Purtroppo da sos iscavos fintzas a como fattos, no s’est pottidu fagher un’istudiu subra sos repertos faunisticos in cantu s’acididade de su terrinu, causada da sa pedra basaltica, associada a sa forte umididade presente in su nuraghe, distruent sos repertos rendindelos no analizzabiles. Sa maggiore cantidade de ossos animales provenit da su dal silo (G), chi in unu certu periodu podiat essere una discarriga de ossos animales. Si podet inoghe solu individuare calchi ispetzie in base a pagas dentes cunservadas: si trattat ovinos, bulos e suinos. Ma mos riferimos a un’analisi oscopica effettuad direttamente in su campu. Sos restos faunisticos agattados a s’internu de su silo sunt de riferire printzipalmente a unu periodu cumpresu tra s’edade romana e s’epoca moderna, in base a sa datazione fornida da sos repertos ceramicos e su rinvenimentu in su silo matessi de tres burteddos in ferru de epocas divressas.

 

Ateru discursu si devet fagher pro sos semenes carbonizzados. Si nde cunservat una zerta cantidade proveniente da unu focolare agattadu in s’apposentu superiore de sa turre zentrale e ateros meda (135 gr in tottu) da unu focolare agattadu a foras tra sas duas capannas N e O. In su primmu casu su cuntestu est mistu (da su nuragicu a su traddu romanu), in su segundu este invece craramente nuragicu comente distimonzant sos repertos agattados, tra sos cales si riscontrant picculazza de de unu askos decoradu cun zerchios cuncentricos e unu ziru cun manigas a X, e ateros meda databiles a su Brunzu Finale – I Ferru (Campus, Leonelli 2000, p. 398, 413, fig. 3; p. 604, 610, fig. 3). In ambos casos si trattat de orzu, trigu e carchi ligumene. Fintzas in custu cuntestu s’analisi est solu macroscopica.

 

No si escludit chi inoghe si diat cumprire un’atturradura de sos laores chi diat giustificare s’elevada cantidade de semenes agattados.

 

A donzi modu, siat sa presenzia de ispetzies divressas de animales chi de semenes, mos indicat chi su territoriu deviat esser bene isfruttadu fintzas da su puntu ‘e vista de allevamentu e coltivazione. Un’integrazione in su territoriu chi deviat essere comunque totale e ispetzialmente de durada in su tempus.



Conclusione

Su nuraghe Nuracale devet haer costituidu unu puntu de riferimentu in tottu sas epocas de s’istoria de su territoriu de Iscanu. Su fattu chi si siat fatta in sas divressas epocas a sa manutenzione de su monumentu pro lu render abitabile, fromandelu a segunda de sas esigentzias de sas populatziones chi lu hant frequentadu in sos varios seculos, ponet in risaltu su fattu chi deviat essere consifderadu pro tempus meda unu puntu istrategicu, grazias a sa posizione favorevole e a sas risorsas chi offriat su territoriu, comente fintzas a como hamos chircadu de evidenziare.

 

Ancora meda b’hat de iscoprire subra custu grandiosu monumentu e solu sos iscavoshant a poder confermare o, comente prus a ispissu fintzas a como est suzessu, smentire sas ipotesis formuladas da nois archeologos, furninde elementos noos de cunfrontu fintzas pro ateros quadrilobados.




BIBLIOGRAFIA:

BACCO G. 1997, Il Nuraghe Losa di Abbasanta. II. La produzione vascolare grezza di età tardoromana e alto medievale, in “Quaderni”, Soprintendenza Archeologica per le province di Cagliari e Oristano, 13, suppl.

CAMPUS F., LEONELLI V. 2000, La tipologia della ceramica nuragica. Il materiale edito., Viterbo, BetaGamma Editrice.

CORSINI A. 1995, Vulci. Ceramiche dal “butto” della Torre”, s. l., Progetti Museali Editore.

MASTINO A., Cornus nella storia degli studi, Cagliari, Gasperini Editore.RIC 1962, Roman Imperial Coinage, Vol. IV, Parte II, Spink & Son, London.

TRONCHETTI C. 1995, La ceramica punica e romana repubblicana nell’Oristanese: due nuraghi a confronto, in AA.VV., La ceramica artistica, d’uso e da costruzione nell’Oristanese dal neolitico ai giorni nostri, Oristano, S’Alvure, pp. 157-168.

TRONCHETTI C. 1996, La ceramica della Sardegna romana, Milano, Edizioni Ennerre. STIAFFINI D. 2000, I materiali vitrei, in A.M. GIUNTELLA, Cornus I, 2. L’area cimiteriale orientale. I materiali., Oristano, S’Alvure, pp. 118-123, tav. XVII, 7.

SUBBRUZIO M. 2002, Dipinto di blu. Ceramiche policrome a Novara fra XVI e XVII secolo, in “Ceramica in blu. Diffusione e utilizzazione della ceramica”, in AA. VV. , Atti XXXV Convegno Internazionale della ceramica, Centro Ligure per la storia della ceramica, Albisola, All’Insegna del Giglio, pp. 154-155.

PES P. 1954, Saggio di catalogo archeologico sul foglio 206 della carta d’Italia: quadrante IV, tav. SE-SO, tesi di laurea, Università di Cagliari, a.a. 1953-54, inedita.

USAI A. 2004, Popolamento e organizzazione del Montiferru in età nuragica, in AA. VV. Oristano dalle Origini alla IV Provincia, cds, pp. 1-8.

USAI A., COSSU T., DETTORI F. 2004, Primi dati sul contesto tardoromano e altomedievale dal Nuraghe Nuracale di Scano Montiferro, in AA. VV. Oristano: dalle Origini alla IV Provincia, cds.

USAI A., COSSU T., DETTORI F., MANCA G. 2006, Nuracale. I primi scavi, Bolotana, Solinas.


New-CMS 2.9.7 Valid CSS Valid html 5 GNU General Public License Admin
This page was created in 1.9974 seconds
Contenuto del div.