Scano di Montiferro - Iscanu - su situ de Iscanu
Avviso sui Cookie - Questo sito non svolge alcuna attività di profilazione. Tuttavia, per rendere disponibili alcune funzionalità ed assicurare ai visitatori una esperienza di navigazione ottimale, questo sito fa uso di cookie. Leggi la nostra informativa sui Cookie prima di proseguire la navigazione. Proseguendo la navigazione su questo sito gli utenti acconsentono al ricorso di cookie e tecnologie simili online da parte nostra.
MENU
Home News Articulos Download Links Contattami

Tumbas de zigantes

Sas Tumbas de Zigantes sunt monumentos funerarios caratteristicos de sa ziviltade nuragica, una ziviltade naschida in sardigna in su segundu millenniu a.C. e durada fintzas a su II seculu d.C. Da custu populu mos sunt imbattidas numerosas operas architettonicas tra sas cales appuntu sas TUMBAS DE ZIGANTES, cramadas gasi da sa fantasia populare a causa de sas dimensiones ziclopicas, custas fuint invece monumentos funerarios, una ispezie de enorme tumba de su villaggiu, no una tumba reale o prinzipesca comente si podet pensare e mancu ancora de titanos. Fuint tumbas collettivas chi podiant cuntenner fintzas a 200 mortos.

Sas tumbas de zigantes presentes in Iscanu sunt 5 rispettivamente in sas localidades de:

Amenta
Pedriscudu
Sas serras
Su crastu iscrittu
Pedras Doladas


Cust’ultima est sa prus azessibile e mezzus cunservata rispettu a sas ateras.
Custas si cumponent de una camera funeraria longa e ammuntada da lastras de pedra dispostas orizzontalmente. Naturalmente sa pedra usada est su basaltu, chi in su territoriu est fazile de agattare. A ispissu de fronte a sa facciada de sa tumba est presente unu menhir pitticcu , nadu betile. Sosbetiles, simbulos fallicos de fertilidade, sunt similes a conos de pedra subra sos cales a bortas b'hat iscolpidu comente pitticcas mamiddas o duos ogios: sos betiles mamiddares. Simboleggiant s’unione de sa divinidade mascru e sa 'e sa fŔmina pro allumare dae nou sa vida de sos mortos, sos betiles cun ogios rappresentant divinidades a protezione de sos mortos.

Su cultu de sos mortos si basait subra sa coppia divina Dea Madre - Deus Boe, sa primma fuit sa divinidade de sa vida mentres chi su segundu fuit sa divinidade protettora de sos mortos, pro cussu sa froma de sas tumbas, sa facciada semicirculare unida a su corridoiu, teniat una froma taurina.

In prus in su semicerchiu, a s’esternu, b'hat sezzidorzos de pedra in ue sos abitantes de de su villagiu dromiant pro comunicare cun sos mortos a traversu de sos sonnios: cust'esperienzia fuit sa pratica de s’incubazione (da su latinu incubo chi significat dromo).

Custas tumbas rapresentaint pro custu su puntu de cuntattu de sos bios cun sos antenados. Sos mortos beniant depostos a traversu de unu ritu segundariu, tramite sa giannitta, in sa camera sepulcrale ammuntada da s'interru. Si pensat chi custas tumbas no beniant abertas a sa morte de onzi cumponente de su villagiu ma toccait de imbatter unu zertu numeru primmu de dezidere si cominzare su rituale.
Aristotele tramandat sos ritos incubatorios e propiziadores praticados da sos Sardos, chi duraint a dies longas, cun su fine de ottenner sa salude mentale, tenner bisiones pro sas dezisiones importantes pro su clan.


New-CMS 2.9.7 Valid CSS Valid html 5 GNU General Public License Admin
This page was created in 0.1167 seconds
Contenuto del div.