Scano di Montiferro - Iscanu - su situ de Iscanu
Avviso sui Cookie - Questo sito non svolge alcuna attività di profilazione. Tuttavia, per rendere disponibili alcune funzionalità ed assicurare ai visitatori una esperienza di navigazione ottimale, questo sito fa uso di cookie. Leggi la nostra informativa sui Cookie prima di proseguire la navigazione. Proseguendo la navigazione su questo sito gli utenti acconsentono al ricorso di cookie e tecnologie simili online da parte nostra.
MENU
Home News Articulos Download Links Contattami

Su Nuraghe Abbauddi

Su Nuraghe 'e Abbauddi
de Zuseppe Pes

Su territoriu

Abbauddi est un situ particularmente riccu de elementos de cultura materiale chi distimonzant sa presentzia de s’omine in su territoriu da su Neoliticu a s’edade nuragica e fintzas a su tempus nostru.
Est visibile a manu manca de s' istatale 129 bis chi cullegat Iscanu Montiferru a Macumere in direzione 'e Macumere.
Su situ de Abbauddi cumprendet a s'istatu attuale una pitticca necropoli cumposta de duas minores domus de janas, su nuraghe omonimu, in giru 'e su cale s'isviluppait su villaggiu e una gava pro s’estrazione de bloccos de rocca arenaria de dimensiones mannas(0,50 x 1,20 m.).
S'agattat in una punta de rocca arenaria da in ue dominat s'adde in sutta attraversada da su riu Semus, affluente de su riu Mannu a un’altitudine de circa 425 m.s.l.m. ; tottu su territoriu circustante est vigiladu da una serie de nuraghes costruidos secundu su prinzipiu de visibilidade reciproca. A nord-est b'est su nuraghe Santa 'Arbara, postu a controllo de su riu Cherchelighes, a sud-est su nuraghe Sul¨ (attivu ancora in epoca medioevale, comente dimostrant sas evidenzias archeologicas chi si bi agattant), a sud su nuraghe Padra e a nord-ovest su nuraghe SalÓggioro.

Su nuraghe Abbauddi

Si trattat de unu nuraghe monoturre, costruidu cun blocchi mannos de pedra piccada dispostos a filares regulares. Sa intrada a su monumentu, alta circa 2,20 m., abbaidat a cara a sud e culminat cun un’architrave de dimensiones bundantes. Oltrepassada sa intrada si arrivat a unu passadissu altu circa 5 m. a sezione ogivale, in ue unu monolite issu puru de dimensiones enormes est inseridu in sa muradura a mesa altaria e servit de architrave in sa camera interna.
A manu manca in su passagiu de intrada b'est sa consueta nicchia, mentres a manu dresta agattamos su cominzu de s' iscala pro pigare a subra, ancora libera dae sas fogadas de pedra chi solitamente interessant custu genere de monumentos, e chi conduit a sa parte alta de su nuraghe, da in ue est possibile bier sos ateros nuraghes de sa zona. Caligunos de sos iscalinos sunt arruinados da una fogada de pedra chi hat interessadu sa parte alta de su nuraghe ma sunt ancora funtzionales.
Sa camera hat unu diametru de 4 m. circa e un’altaria de 8,50 m.; est intatta e mancant solu sos ultimos filares de pedra chi serraint sa tholos, chi sunt bistados sostituidos da su cimentu in tempos nostros. In sa camera podimos agattare sas tres nicchias caratteristicas dispostas asimmetricamente. S’altaria residua de sa turre est de 9 m. circa.

Sa idda

In direzione sud rispettu a su nuraghe e frontalmente a sa intrada est possibile notare sos fundos de sas capannas nuragicas chi cumponiant sa idda. De custas est visibile sa base de pedras a pranta circulare chi faghiat da base a sas coberturas de linna e frascas. Da su chi addurat podimos ricavare solu su diametro chi sas capanne doviant tenner in in origine, e chi si aggirat in sos 5-6 m.
In prossimidade de su nuraghe in posizione nord-est rispettu a cust'ultimu est presente una rocca affiorante chi timis poder definire altare “sacrificale”; recat difattis in sa parte superiore unu bacile de circa 0,20 m. de diametro pro 0,10 de altaria, cun un'istampa de succuttu laterale, chi rimandat a s’usu de sacrifizios animales, chi agattat cunfrontos in su restu de s'isula e in su matessi territoriu de Iscanu.
A sud-est de su nuraghe est presente fintzasuna gava cava estrattiva de materiale lapideu utilizzadu pro s’edificazione de su nuraghe; agattamos difattis sas sulcaduras e sos signos lassados da cugnos durante sas fases de estrazione de sos bloccos de arenaria.

Sa necropoli

Sa necropoli de Abbauddi est cumposta de duas domus de janas de dimensiones minores, ccramadas in limba sos Furrighesos (P. LUTZU, 1922, p. 56).
Sa domus I distat una vintina de metros a nord-est da s’omonimu nuraghe ed est iscavada in unu muru de rocca arenaria. Si cumponet de un antezella e una zella prenas de terra in bona parte. S’antezella est probabilmente priva de sa parte anteriore. Sa zella interna hat pranta ovale e boveda a “furru” e sunt visibiles in sas paretes sos signales de sos iscavos cun piccos liticos.
S'atera domus, denominada Abbauddi II, est ubicada a una deghina de metros a sud-est de s’omonimu nuraghe. Est monocellulare, parzialmente prena de terra e presentat unu portellu de intrada rettangulare cun angulos superiores atundados. Sa facciada esterna de sa domus est in parte erosa, ma si notant ancora unu pagu sas arrastas de sa cornice chi circuscriet su portellu. Internamente sa zella est de froma circulare issa puru cun boveda a furru.



Conclusiones

Su situ de Abbauddi cominzat sa vida sua in edade neolitica, comente distimonzant sos minores ipogeos chi cumponent sa necropoli, ma de sos cales no tenimos datos precisos; ambas sas domus difattis resultaint privas de materiale culturale giai a sos tempos de s’indagine de su prof. Pedru Pes (P. PES, 1953-54, p. 60).
Sa presentzia de s'omine in edade nuragica est comunque distimonzada da sa turre, chi pro sa tecnica costruttiva giai evoluta, sa presentzia de s'iscala 'e passadissu e sa tholos cun sas paretes aggettantes, faghet pensare chi s’edificazione siat bistada fattav presumibilmente durante s’edade de su brunzu rezente, tra su 1300 e su 1150 a.C.
Sa fertilidade de sa regione, assigurada da su riu Semus a sud-ovest e da su riu Cherchelighes a nord-est, hat permittidu inoltre sa permanentzia de s'omine fintzas a dies nostras, e de cunseguentzia fintzas su nuraghe hat tentu in su cursu e sos tempos una zerta manutenzione, da pinnetta pro su bistiamen a fienile in tempos de oe. Gasi fintzas sa presentzia de sas capannas distimonzat sa presentzia de unu centru abitadu, verosimilmente fintzas de manera istagionale, comente ancora oe suzedit in sas cumbessýas de sos varios santuarios de Sardigna (cumbessýas comente in sa cresia de S. 'Arbara). Abbauddi probabilmente hat vividu in contemporanea cun sa bighina Sul¨ e cun sos ateros nuraghes presentes in sa zona.

Bibliografia

P. Lutzu, Il Montiferro, appunti storici, con pi¨ ampie notizie sul comune di Scano, Oristano, Tip. Pagani, 1922

P. Pes, Saggio di catalogo archeologico sul foglio 206 della Carta d’Italia, Quadrante IV, Tav. SE-SO, tesi di laurea, anno accademico 1953-54, UniversitÓ degli Studi di Cagliari

M. Sequi, Nuraghi, Manuale per conoscere 90 grandi torri megalitiche della Sardegna, Robbiate(Como), Multigrafica, 1985


New-CMS 2.9.7 Valid CSS Valid html 5 GNU General Public License Admin
This page was created in 0.0578 seconds
Contenuto del div.